(another entry in Filipino)
Naaliw lang ako kapag ako’y nagbabalik-tanaw nung mga panahon na ako’y bata pa. hindi naman sa matanda na ako ngayon, ngunit, sadyang napaka-saya lang kasi nung mga panahon noong ako’y maliit pa lang. kabataan, masaya; puro laro; walang iniisip na problema…
Kapanahon kita kapag:
-nanonood ka ng Mightor- at hindi ka ba nagtataka na sa iisang lugar lang siya parati nag-kakalog ng kanyang pamalo kahit nasaan siya? Bigla na lang siyang mag-teteleport sa kweba at doon magkakalog ng pamalo.
-Nanonood ka ng Moby Dick- oo, yung higanteng balyena na mas magaling pa kay aquaman. Siya yung may kasamang seal at dalawa pang bata na hindi na-uubusan ng oxygen sa ilalim ng tubig. At talagang nararating ng mga batang ‘yon ang pinaka-ilaliman ng dagat. Mahusay.
-Alam mo ang flying house at ang flying book
-Nanonood ka ng “takure”. Pero hindi ‘yun ang title ‘nun. ‘Time Quest’ ang title ng palabas na ‘yun. At sa channel 5 mo ito mapapanood.
-Habang inaabangan mo ang Voltes 5 sa channel 13 ng sabado na 10am ang airing, una mo munang mapapakinggan ang ala-El Shaddai na palabas na ang bukang-bibig ng pastor ay, “gagaling! Gagaling!”
-Laging sumasabog ang mga kalaban ni Voltes 5, kahit tao lang ang kalaban nya. at pare-pareho ang itsura ng pagsabog.
-Ang Daimos at ang Ghost Fighter ay sa channel 13 din. Kasama ang Dragon Ball Z na hindi mo pa rin malaman kung ano ang ending hangang ngayon.
-Bago mag simula ang mga palabas sa channel 13, meron munang sombrero na nagdadaan sa kung anong maze. At tuwang-tuwa ka naman na sinusundan mo ang bawat galaw neto. Tinuturo mo pa sa kaibigan mo kung saan susuot ang lumilipad na sombrero.
-Hindi pa uso ang cable noon. De-galaw pa ang antenna nyo sa bubong. Magsisigawan kayo ng tatay mo, “ok na ba ang reception jan?” … “hindi pa! galaw mo pa ng konti… ayan… ayan… ok na. ok na… ay, teka, nasira naman yung channel two!!!!” at aayusin nanaman ulit ang antenna.
-Wala pa ring remote control ang mga TV noon. De-pihit o de-pindot ang mga channels sa TV. At kung anong numbers lang ang naka-lagay sa TV nyo, yan lang ang channels nyo.
-Tuwing biyernes, inaabangan mo ang Bubble Gang. Tuwang-tuwa ka dito kasi ‘yun lang ang ‘gag show’ noon. At pinaka-aabangan mo ang “Dating Daan” nila Brod Pete, Brod Willie, at Brod Jocel….. Alien???!!!...... ALIEN!!!!!!
-Na-adik ka sa tamagochi. Hindi ka na kumakain, basta lang mapa-kain mo ang tamagochi mo… at mayaman sa tamagochi ang Principal’s office sa school nyo. Puro na-confiscate mula sa mga pasaway na estudyante.
-Mahilig kang mag-tampisaw sa baha noon. Hindi pa uso ang leptospirosis. Wala naman kasing marunong mag-spell at mag-pronounce ‘nun.
-gumagawa kayo ng bangkang papel at ipinapaanod sa baha. Race pa nga kayo minsan ng mga kaibigan mo.
-Kapag hindi naman baha, mga paper airplanes naman ang uso… ang pinaka-magandang paper airplane ay ang “paniki”. Mas kakaiba ang pagtitiklop ng papel nito keysa sa regular na paper airplane…
-Isinasabit nyo sa likuran ng inyong ref ang inyong mga sapatos para matuyo.
-May cartoons na parang sound of music. “Von Trap Family singers”. Si maria ang bida dito. At LSS ka sa “Ho-ri-ki-kia, ho-ri-ko-ku” . yan lang ang lyrics ng kanta nila, pero tuwang-tuwa ka na.
-Kilala mo si prinsipe Cedi. Pirate lang yung kornik. Cartoons noon ang palabas na ‘yan.
-Ang palabas na Batman & Robin, may cartoons at may mga totoong tao talaga. Sa mga real-life actors, kapag may fight scene, bigla na lang mag-bblack screen at eto lang ang mga makikita mo: “Pow! Bang! Klag! Kapow! Bam!” kapag nawala na ang black screen, kita mo na lang na naka-handusay na lang lahat ng mga kalaban nila. Minsan pati si Commissioner Gordon. Hehe
-Marunong kang gumawa ng babols gamit ang sabong panglaba, dahon ng gumamela, tubig at tangkay ng puno ng papaya.
-Sikat ang Sarsi noon. Sarsi pa ang pustahan. Kung low-budget naman, ice tubig na lang.
-Alam mo ang Bionade. Para siyang Gatorade na parang soda. Masarap yun!
-Sikat ka noon kapag naka-punta ka na ng SM. Mayaman ang tingin sa’yo. parang balikbayan.
-Hindi pa pellet gun ang uso, ‘saltik’ pa. madalas kayong manaltik ng mga ibon ng iyong mga kaibigan. Pero wala naman kayong nasasapul. Pinapagalitan lang kayo ng mga kaptibahay kasi nakaka-basag kayo ng bintana.
-Patintero, mataya-taya, agawan base, langit-lupa, tumbang preso, taguan, piko, lutu-lutuan, jolen, at tex. Ayan ang mga usong laro noon. Meron ding, “pepsi, 7up, coca-cola, stop!” na hindi ko alam kung anong kinalaman ng mga softdrinks sa laro na ‘yun. 10-20 o Chinese garter -- Yan naman ang uso sa eskwelahan.
-Kilala mo sila B1 at B2, “naisip mo ba ang naiisip ko B1, sa palagay ko nga B2!... operation… (insert term here)!” at manggugulo sila kina Amy, Lulu, at Morgan. At madalas, si Doding Daga ang may pakana ng kalokohan.
-Dumating ang “super laffin” dito natin yunang nakilala ang comedy ni Vhong Navarro. At talagang sinusubaybayan mo kung anong kalokohan nanaman ang gagawin ni Miong – yung cartoon character nila.
-Nanonood ka ng 5 & up at nang Chikiting patrol. Sa 5&up natin unang nakilala sila Atom Araullo, at si Chyna Ortaleza.
-Siyempre, hindi tayo mawawalan ng super heroes noon. Nawala man ang Justice Friends at si Astroboy, dumating naman sila Machine Man (kasama si Buknoy the fighting ball!), Shaider, Turbo Rangers, Power Rangers, Five Man, Masked Man (lima sila, at kung anong kulay nila, yun ang pangalan nila: Red one, green two… PINK FIVE!). at makakalimutan ba natin si Masked Rider Black? “Rider…… CHANGE!!!” kinakanta pa natin ang mga theme song ng mga palabas na ito kahit hindi natin maintindihan at hindi naman natin alam ang ating mga pinagsasasabi
-Sumikat din noon sila Woody Wood Pecker at si Casper.
-Wala pang DVD, VCD, VHS… Betamax pa at laser disc pa lang ang uso. Hindi pa pwede noon magrewind sa Betamax, masisira. Kaya lahat tayo e may rewinder na hugis-kotse katabi ng Betamax.
-Wala pang audio cd. Cassette Tape pa lang. kaya wala pang mga pirata noon.
-Sikat ang bandang Eraserheads noon at ang album nila na ‘Cutterpillow’ na halos lahat ng kanta ng album na ‘yun ay nag hit. Oo, kasama sa album na ‘yun ang “ang huling el bimbo”
-Nanonood ka rin ng Teenage Mutant Ninja Turtles at ng Ghostbusters! “who ‘you ‘gonna call? GHOSTBUSTERS!!!!!”
-May naglalako sa kalye nyo ng pabunot. Piso lang ‘yun. Pwede kang manalo ng gameboy, brick game na 10,000 in 1, kornik, plastic balloon, kinulayang sisiw, at marami pang iba! PISO lang! ayos diba? Pero wala naman talagang nananalo dito. Kahit plastic balloon, gumastos ka na ng bente pesos, hindi mo pa rin mapanalunan. Mas mabuti pang bumili ka na lang sa tindahan ni aling bebang ng plastic balloon, P1.50 lang dun.
-Gusto mo noon ng Swiss Knife dahil idol mo si McGuyver. Mas idol mo si McGuyver keysa kay Superman.
-Magkakasunod ang Doogie Houser M.D., Baywatch, at ang Beverly Hills 90210 sa channel 2.
-Sinasabihan ka ng mga matatanda na wag magpapagabi sa paglalaro, dahil sa gabi daw naglalaro ang mga engkanto at dwende. Pero ang totoo nito ay ayaw lang nila magpagabi ka, ayaw pang sabihin ng deretso. Kailangan talaga tinatakot ka muna.
-Ang mga sikat na “theme parks” na pang bata noon ay ang StarCity, Boom na Boom, at ang Big Bang sa Alabang.
-May mga regular na periya din sa mga lugar niyo kapag piyesta. Maraming mga booth. May booth kung saan pwede kang tumaya sa mga kulay, at mananalo ka ng batya, timba, tabo, baso, at chippy. May booth kung saan pwede kang mamaril ng mga plastic soldiers. Kung ilan ang nabaril mo, ganun ka-raming stork ang mapapanalunan mo. May booth din kung saan doon mo makikita ang mga “freaks of nature”, ang mga tulad ni mahal at tulad ni diego ng bubble gang.
-Gumagawa kayo ng sarili nyong saranggola, na gawa sa diyaryo, at walis ting-ting.
-Maswerte pa ako at naabutan ko ang mga drama sa radyo. “Berting, kukunin ko ngayon ang kutsilyo na nakapatong sa lamesa…. Ayan, nakuha ko na… sasaksakin na kita… ayan sinasaksak na kita” “ugh! Nasasaksak mo na ako… ang daming dugo… konti-konti na akong nawawalan ng malay… ayan, mamatay na akooooooo…..”
-At siyempre, hindi mawawala ang naglalako ng taho, puto’t kutsinta sa umaga; lumpia, turon, banana q, ng mga alas dos hanggang mga 3:30 ng hapon, at si manong fishball at iskrambol sa hapon. Sa weekends naman ay may mga naglalako ng papag, pang hasa, at ang bakang may hila-hila na maraming kung ano-anong gamit pang bahay.
- sa mga may pera naman, merong G.I. Joe, Lego at Family Computer. sino 'bang hindi makakalimot kay Mario, sa Battle City, sa Duck Hunt, at sa mga 1000 in one?!
- Nanonood ka rin ng Transformers
- at bumibili ka ng Coney Island Ice Cream na hindi mo naman talaga gusto ang lasa. sa Tivoli ka pa rin! subalit gusto mo lang naman makuha ang bubble gum na nasa pinaka-ilalim ng plastic-shaped cone.
AT: 2:30 na!!!! Ang TV na! "do-wa-di-di-di-dam-di-di-du!" lolz! 
iba na talaga ang pahahon ngayon... kabataan... tsk tsk tsk tsk .... 
Currently listening to: narda - kamikazee
